გაკვეთილის გეგმა

მასწავლებლის სახელი და გვარი: ცირა აბულაძე

პირადი ნომერი:

საგანი: ქართული ენა და ლიტერატურა

სწავლების საფეხური/კლასი: დაწყებითი მე-5 კლასი

მოსწავლეთა რაოდენობა: 7

გაკვეთილის თემა: რევაზ ინანიშვილი „მუხა“

გაკვეთილის მიზანი:

·         მოსწავლეებმა შეძლონ   ლექსიკურ ერთეულებზე მუშაობა; მხატვრული ტექსტის წაკითხვა/გაანალიზება; ტექსტიდან საჭირო მონაცემების ამოკრება,  გააზრება, დახარისხება.

·         გააცნობიერონ  ბუნებაში ადამიანის უხეშად ან და დადებითად ჩარევით გამოწვეული შედეგების მნიშვნელობა;

·         მოახერხებენ ნანახი ვიდეო რგოლის ადეკვატურად გაგებას და მის  დაკავშირებას ნასწავლ მასალასთან;

·         მოსწავლეები შეძლებენ შექმნან პრეზენტაცია და წარმოადგინონ კლასის წინაშე.

·          მოსწავლეებს განუვითარო მეგობრობის,  თანაგრძნობის,  სხვისი პატივისცემის,   ემპათიის უნარები.

წინარე ცოდნა:  მოსწავლეებმა იციან რა როლი აკისრია ბუნებას ადამიანის ჯანმრთელობისთვის; კარგად ფლობენ word-ს, აკეთებენ პრეზენტაციას pover paint-ში.

აქტუალობა:  ბუნებას ადამაინები დაუდევრად ეპყრობიან; არ უფიქრდებიან, რომ  „ბებერ“ ხეებსაც სჭირდებათ მოვლა-პატრონობა, ასევე მოხუცებულებს არ აქცევენ ყურადღებას, ვერ ათვითცნობიერებენ, რომ წლების შემდეგ თვითონაც იმავე მდგომარეობაში იქნებიან.

N	აქტივობის აღწერა	გამოყენებული მეთოდი/მეთოდები	კლასის ორგანიზების ფორმა/ფორმები	სასწავლო რესურსები	დრო (წთ)
1	საორგანიზაციო საკითხების მოგვარება;  მიზნისა და შეფასების რუბრიკის გაცნობა;	საუბარი	მთელ კლასთან	შეფასების რუბრიკის ცხრილი.	3  წუთი
2	საშინაო დავალების გამოკითხვა. აქტივობის მიზანი:  გაიხსენონ ნასწავლი მასალა ა. კალანდაძის ,,თუთა“ მსვლელობის აღწერა:  საშინაო დავალებათ აქვთ ანა კალანდაძის ,,თუთა“ მასწავლებელი სვამს სხვადასხვა დონის კითხვებს, ანალიზზე, მსჯელობაზე და შეფასებაზე ორიენტირებულს. სად აპირებდა თუთის ხე შეჭრას? ვისზე უნდა მოეხვია თუთის ხეს ხელი? ქვემოთ ჩამოთვლილი სიტყვებიდან რომელი გამოხატავს ლექსის განწყობას?-მღელვარება, სინაზე, სითბო, უიმედობა. რომელი გამოთქმა მოგეწონათ ლექსში ყველაზე მეტად? თქვენი აზრით რა უფრო გამძლეა ხე თუ სიტყვა და ა.შ ახალ მასალასთან დამაკავშირებელ კითხვებს: ლექსში მცენარისადმი სიყვარული ჩანს თუ სიძულვილი? როგორ ფიქრობთ ყველას უყვართ მცენარეები და ყველა ზრუნავს მათზე? როგორ ექცევიან ადამიანები მცენარეებს? ასევე სურვილის მიხედვით ინტონაციით აკითხებს ლექსს.	კითხვა-პასუხი.	ინდივიდუალურად		7 წუთი
3	ასოციაციური რუკის შედგენა და ვარაუდების გამოთქმა აქტივობის მიზანი:  მოსწავლეებმა შეძლონ   ლექსიკურ ერთეულებზე მუშაობა;  თვალსაჩინოებაზე დაკვირვებით გამოთქვან ვარაუდები და შეადგინოს მუხაზე ასოციაციური რუკა მსვლელობის აღწერა:  მოსწავლეებს გავაცნობ თემას, ვთხოვ კომპიუტერის საშუალებით  შეადგინონ მუხის ასოციაციური რუკა, ზედსართავი სახელების გამოყენებით. პროექტორით ვაჩვენებ სურათებს და ვთხოვ ვარაუდების გამოთქმას რასაც ფლიფჩატზე (დაფაზე)  ჩამოვწერთ გადამოწმების მიზნით. მოსწავლეებს გამოვუკრავ ლექსიკურ ერთეულებს (1) ჯმუხი; 2) ყურებსიფრიფანა; 3) ჭარმაგი; 4) ბღუჯა; 5) ტანდაკოჟრილი; 6) აყაყანდნენ;)  და ვთხოვ განმარტონ მათი მნიშვნელობა, რომელსაც ვერ გაიგებენ განვუმარტავ.	ასოციაციური რუკა; საუბარი.	მთელ კლასთან	კომპიუტერი; პროექტორი; ცხრილი.	4 წუთი
4	ტექსტის გაცნობა აქტივობის მიზანი: მოსწავლეები შეძლებენ ტექსტის გაგება, გააზრებას; ტექსტიდან  პრობლემის იდენტიფიცირებას და გამომწვევ მიზეზებზე მსჯელობას. მსვლელობის აღწერა:  მასწავლებელი აყურებინებს მოსწავლეებს ქვიშის ზღაპარს ,,მუხა“ მასწავლებელი უგზავნის წინასწარ გამზადებულ ელექტრონულ ტესტებს რომელიც მასალის გაგებასა და გააზრებაზე იქნება ორიენტირებული. მოსწავლეებმა, რომ შეძლონ პრობლემის იდენტიფიცირება მასწავლებელი კითხვების საშუალებით უგებს ხარაჩოს. -  როგორია მუხა? ვის გვაგონებს იგი რეალურ ცხოვრებაში?   - რა გამოხატა ბოლო საქციელით მოხუცმა მონადირემ? რატომ მოიქცა იგი ასე?    - რის სიმბოლოა ბღუჯად ამოსული ია?    - როგორ უშველა ისევ ბუნებამ ნაჭრილობევ მუხას?    - გავიდა ხანი - თვეები, წლები. როგორ ფიქრობთ, ამ ხნის განმავლობაში გაახსენდებოდა თუ არა მონადირეს ეს ამბავი ?	ვიდეო რგოლის ჩვენება; კითხვა-პასუხი	მთელ კლასთან	კომპიუტერი; პროექტორი; ელექტრონულ ტესტები; ვიდეო რგოლი.	8 წუთი
5	წყვილებში მუშაობა აქტივობის მიზანი: მოსწავლეებმა მოახერხონ წინადადებების გასწორება, კროსვორდის შედგენა და დაკარგული სიტყვების პოვნა. მსვლელობის აღწერა:  მასწავლებელს მოსწავლეების დაინტერესებისა და მოტივაციის ამაღლების მიზნით, მოსწავლეებს წარუდგენს ორი სახის დავალებას, ორივე ახალი მასალის გააზრებას ემსახურება. თხოვს აირჩიონ ერთ-ერთი, მათთვის სასურველი დავალება.  დაურიგებს დავალებას,  აძლევს მკაფიო ინსტრუქციას, ერთი დავალება იყოფა ორ ნაწილად პირველ ნაწილში  მოთხრობიდან ამოღებული წინადადებების წევრები არის არეულად, წინადადებები უნდა ააწყონ და მიუწერონ შესაბამისი ნომერი. მეორე ნაწილში კროსვორდია წარმოდგენილი რომელიც ხუთი კითხვისგან შედგება (ახალი მასალის მიხედვით). ხოლო მეორე დავალებაა დაკარგული სიტყვების პოვნაა დავალება ეგზავნება edmondo-ს საშუალებით,  მოთხრობის ერთერთი აბზაციდან ამოღებულია სიტყვები მოსწავლეებმა უნდა უპოვონ ტექსტში კუთვნილი ადგილი. პრეზენტატორს ავირჩევ ბარათების მიხედვით. აქტივობის შეჯამება.	წყვილებში მუშაობა	წყვილებში მუშაობა	კომპიუტერი; პროექტორი; ელექტრონულ ტესტები; ვიდეო რგოლი.	6 წუთი
6	ჯგუფური მუშაობა. აქტივობის მიზანი: გააცნობიერონ  ბუნებაში ადამიანის უხეშად ან და დადებითად ჩარევით გამოწვეული შედეგების მნიშვნელობა; მსვლელობის აღწერა:  მასწავლებელი მოსწავლეებს  თხოვს კლასი მოამზადონ ჯგუფური მუშაობისთვის. Wi-fi -ის საშუალებით გადაუგზავნის ,,პრობლემების ცხრილებს“ აძლევს მკაფიო ინსტრუქციას. პრეზენტატორს აირჩევს  ჯგუფი. აქტივობის შეჯამება.	ჯგუფური მუშაობა	ჯგუფური მუშაობა	კომპიუტერი; პროექტორი; ელექტრონულ ტესტები; ვიდეო რგოლი.	7 წუთი
7	გაკვეთილის შეჯამება აქტივობის მიზანი: მოახერხებენ ნანახი ვიდეო რგოლის ადეკვატურად გაგებას და მის  დაკავშირებას ნასწავლ მასალასთან, ვიდეო რგოლის საშუალებით აჯამებს ასალ მასალას მსვლელობის აღწერა:  ვიდეო რგოლის ნახვა. -როგორ უნდა მოვექცეთ დაბერებულ არსებებს და მოხუცებულ ადამიანებს. - რა შეგიძლია გააკეთო მოხუცი ადამიანებისთვის?  - როგორ გამოვხატოთ პატივისცემა და ზრუნვა მოხუცი ადამიანების, დაბერებული არსებების მიმართ?	ვიდეო რგოლის ჩვენება	მთელ კლასთან	კომპიუტერი; პროექტორი; ელექტრონულ ტესტები; ვიდეო რგოლი.	7 წუთი
8	საშინაო დავალების მიცემა (ჩვენც დავბერდებით); შეფასება; შეჯამება.	ვერბალური	მთელ კლასთან	შეფასების კრიტერიუმები	3 წუთი

ქართ. V. 1. სვამს კითხვებს მოსმენილი ტექსტის უკეთ გასააზრებლად / ამა თუ იმ საკითხის დასაზუსტებლად;
ქართ. V. 4.  ასახელებს სხვადასხვა თვალსაზრისით მისთვის საინტერესო ადგილებს ტექსტიდან.
ქართ. V. 6. ხმამაღლა, გამართულად და გამომეტყველებით უკითხავს   თანაკლასელებს შერჩეულ ნაწყვეტს ნაცნობი ტექსტიდან;
ქართ. V. 7. გამოყოფს და ასახელებს ტექსტის მთავარ საკითხებს;
ქართ. V. 8. საკუთარი სიტყვებით გადმოსცემს ტექსტის შინაარს.

ქართ. V. 8.  განმარტავს პერსონაჟთა ქცევის მოტივს და აფასებს მათს საქციელს;

ის ტექნ. V.5.   მოსწავლეს შეუძლია სხვადასხვა სახის ციფრული საშუალების  შერჩევა და გამოყენება ინფორმაციის მოძიებისას და კვლევის პროცესში.

ის ტექნ. V. 6. მოსწავლეს შეუძლია სხვადასხვა სახის ციფრული საშუალებების შერჩევა და გამოყენება კომუნიკაციისა  და თანამშრომლობისათვის.     

კრიტიკული აზროვნება და პრობლემების გადაჭრა

●     საღი მსჯელობა და აღქმა;

●     მიზნობრივი კითხვების ფორმულირება და დასმა სხვადასხვა მოსაზრების გასაცნობად და უკეთესი გადაწყვეტილებების მისაღებად;

●     ინფორმაციის კლასიფიკაცია, ანალიზი და სინთეზირება პრობლემების გადასაჭრელად და კითხვებზე პასუხების გასაცემად.

კომუნიკაცია და თანამშრომლობა

●     იდეებისა და აზრის ნათლად და ეფექტურად გამოხატვა წერილობითი თუ სიტყვიერი ფორმით;

●     საერთო მიზნების მისაღწევად საჭირო კომპრომისისთვის მზადყოფნისა და მოქნილობის დემონსტრირება;

●      პასუხისმგებლობების გაზიარება მუშაობის პროცესში.

https://drive.google.com/file/d/1tNgGf8pC7FkSl8xRAlzNvufMvyLIrPdm/view?usp=sharing https://drive.google.com/file/d/1tNgGf8pC7FkSl8xRAlzNvufMvyLIrPdm/view?usp=sharing 

         შედეგი მიღწეულია, თუ:

     მოსწავლე შეძლებს ვარაუდების გამოთქმას, მასალის გაგება, გაანალიზებას,  არგუმენტებით გამყარებულ მსჯელობას;

   გააცნობიერებს გარემოს დაცვის საკითხებში ადამიანის უხეშ ჩარევას  რა შედეგები შეიძლება მოყვეს.

 მოსწავლე დაინახავს კავშირს მუხასა და მოხუცებული ადამიანის მიმართ და გაუჩნდეს მათ მიმართ ემპათიის გრძნობა. 

    ნანახი ვიდეო რგოლის ადეკვატურად გაგება გაანალიზებას;

პრეზენტაციის დროს საუბრობს ნათლად და დამაჯერებლად;